馬國明終承認與黃心穎已分手 多次強調現時關係:我哋仲係朋友

撰文:
最後更新日期:

黃心穎與許志安於今年4月爆出「安心偷食」之後,兩人形象即時插水需全面停工,備受千夫所指的心穎避走美國,許志安則召開記者會認錯。而心穎的男朋友馬國明就忍痛繼續開工拍劇,寄情工作。當時他被問及安心事件,仍處處維護心穎,甚至叫大家給心穎一次機會,但就一直避談兩人是否分手。至於安仔老婆鄭秀文就選擇原諒老公,不離不棄。由於事發後馬國明已沒有再戴上他與心穎的情侶戒指,外界都好好奇到底他和心穎現時的關係。

安心偷食事件轟動全城。(ig圖片)

日前馬國明接受《香港01》訪問時,再次談及他的感情現況,並以朋友來形容他與心穎的關係,即間接承認兩人經已分手。他透露現時的感情狀況ok幾好,問到他可有聯絡心穎時,他就以朋友來稱呼對方:「我只可以話我哋仲係朋友嚟嘅,我哋點都係朋友,總之唔係仇人,亦都唔介意日後一齊合作。感情事其實係幾個人嘅事,我覺得感情事真係好難分對與錯,大家無需咁大反應啦。」他直言事件已過去,大家亦不要再指責心穎了。

馬國明間接承認與黃心穎經已分手。(深宮計微博圖片)

他說:「過咗去啦件事,我成日都覺得大家鬧得激烈得滯,大家唔駛鬧得咁勁。我當時都講咗,佢都知錯啦,佢真係知錯喇,佢好後悔,咁仲鬧咩呢?鬧咗就得啦,仲要一路鬧落去咩?無意思喎。好坦白講,每個人都會做錯嘢嘅,唔係一定要啄住人哋錯嘅事,一路鬧鬧,鬧落去冇意思。我希望大家俾個機會佢。」可見他依然維護住舊愛。

馬國明認為大家不用反應過敏。(葉志明攝)

至於安心事件對他有甚麼衝擊,馬國明表示:「我又冇喎,我又冇咩特別改變,真係冇。其實可能係觀眾覺得好大衝擊,如果你問我,又真係唔係好大衝擊,可能我由細到大都好鍾意踢波,或者形成我唔係鍾意將自己擺先,係大家覺得好大衝擊啫?」他坦言有為事件感到生氣,但已轉化為擔心:「我回應都好清楚,我當然係有嬲嘅,但真係一段好短嘅時間,我之後係擔心多過嬲,依家都係。依家我係完全冇嬲添呀,我唯有同啲網民講嘅係大家唔駛咁嬲嘅,大家唔駛過度嬲咗,我覺得大家有啲敏感得滯。其實唔係好大件事,感情嘅嘢嚟咋痳,大家唔駛咁大反應。我反而係擔心,因為依家都見仲有人鬧緊,其實大家都唔需要鬧,鬧乜鬼呢?」

馬國明仍然好維護黃心穎。(資料圖片)

點擊下圖逐格睇馬國明同黃心穎曾經幾咁sweet,以及與事件相關嘅相:

+11
+11
+11


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。