孫慧雪新書寫真首面世 散文集內容最動人

撰文:
最後更新日期:

阿雪笑言老公不認為自己夠性感。(吳子生攝)

孫慧雪(阿雪)今日(12/7)現身銅鑼灣出席新書簽名會,現場吸引大批粉絲手持寫真、散文集排隊等攞簽名。對於新書面世阿雪讚不絕口:「我都係啱啱先睇到本書,其實有啲相我之前係睇過,都忍唔住Post咗出嚟,但有啲相真係好性感嘅相,但我老公(羅天彥)一啲都唔覺得我好性感,仲話我都唔明啲人點解會覺得我性感,原來我老公一向覺得我好保守,哈哈!」

散文集《那個願沒有圓》每一個篇章,都記載着阿雪的成長歷程。(吳子生攝)

至於另一本散文集《那個願沒有圓》,原來背後隱藏着了一個動人故事。阿雪坦言說:「記得婚前之前,經醫生確診患有腺肌症,當時個腺肌瘤有成8cm大,每個月會大1cm,仲要壓住我條脊骨,當時醫生話如果諗住唔生小朋友,就可以選擇成個子宮切除,嗰陣時係我人生最唔開心嘅時候,之後仲要患上抑鬱症,當時我老公同我講無論有冇小朋友都好,都會話同我結婚,就係嗰一刻好感動,我哋先結婚。婚後好幸運,我可以有我嘅小朋友,之所以我寫呢本書,其實係好想去鼓勵大家,當大家以為冇希望嘅嘢其實未必係。」

現時阿雪仍要長期服藥控制病情。(吳子生攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。