容祖兒爆肚提緋聞男友　張敬軒聞言即NG

容祖兒（Joey）和張敬軒早前推出搞笑短片《直擊秘竇Speed Dating 》，二人因為不想拍親熱戲而展開相親之旅。昨日釋出NG爆笑片，Joey 在片中爆肚提及對方緋聞男友關智斌，搞到軒仔NG。

劇情最終講述二人相親失敗，把心一橫準備同對方拍親熱戲，軒仔擦定牙準備，Joey在NG片段中爆肚說：「喂，依家好難為你咩？你又唔係關智斌，你估我好想咩？我哋專業㗎嘛！快啲喇喇聲啦！」嚇得軒仔不理成口泡激動大呼「對白都冇呢句，你講咩啫，對白都冇呢句嘅，導演！」又笑罵Joey「諗唔到對白，自己記唔到又關智斌」，令Joey 捧腹大笑。