蘇頌輝娶圈外女友Sophie 新娘爆求婚過程冇下跪：佢話搵唔到地方
撰文：吳子生
出版：更新：
無綫明珠台男主持蘇頌輝（Desmond）與圈外女友Sophie今日（3/8）於金鐘舉行盛大婚宴，並筵開28席款待各界親朋戚友。Desmond透露近來忙於籌備婚禮，與太太兩人都冇覺好瞓：「因為有太多嘢要準備，賓客嘅名單又要不停咁複檢，怕會做錯，咁所以尋晚都有啲瞓唔着。」
Desmond表示太太Sophie婚後想6個生小朋友，不過都是順其自然。（葉兆康攝）
提到求婚過程，Desmond表示：「我同太太拍拖3個月後，之後4月後決定買戒指，準備同太太求婚，之後要忍受成3個月之後，喺去布吉旅行時同佢求婚，咁所以成件事係快嘅。」講到當時求婚過程，太太Sophie甜絲絲說：「其實都幾得意，因為佢嘗試想製造驚喜，但唔係太成功嘅，不過又幾好笑嘅。（有冇跪地求婚？）佢話佢搵唔到地方跪喎，但之後佢有補返跪，喺其他場合跪過幾次，都算佢啦，哈哈！」
太太Sophie大讚老公Desmond細心又體貼。（葉兆康攝）