【旺角遊行】阮民安認有「行街」 義載「朋友仔」回家:想支持下

撰文:
最後更新日期:

《逃犯條例》修訂爭議持續,有示威者在今天(3/8)旺角遊行結束後一度佔領紅隧,到入夜仍然不少示威者在尖沙咀、旺角等地方集結。晚上9點左右,警方開始清場,有不少示威者被捕。有電視台便拍攝到一名疑似Ekids成員阮民安(Tommy)的男子亦身處旺角,網友見此便擷取畫面放到社交平台分享,笑指這位疑似Tommy太過亮眼:「已經唔係督唔督灰嘅Level。」引來大批網友讚好。

疑似阮民安被拍到身在旺角。(香港電台)

Tommy接受《香港01》訪問時便直認相中的銀髮男是他本人,剛剛載完兩位「朋友仔」離開旺角,現正準備回家:「係我嚟嘅!我啱啱喺旺角行街,所以就了解下個情況咁。(你見到個情況係點?)氣氛好緊張,好多細我哋好多嘅後生仔做緊啲嘢,好有經驗咁。(咁多後生仔會唔會好心痛?)會,因為我自己都有小朋友,都想將正確思想灌輸畀小朋友,所以去咗啲地方行街,支持一下。」他又指自己星期一都會響應「三罷」行動,到旺角麥花臣集會:「今日我老婆都以全職媽媽身份同我請假,我好支持佢,因為而家已經唔係政治問題,而係良知問題。」

阮民安批准老婆張倚雯(Eva)8月5日罷工。(Facebook/@Tommy Man On Yuen)

點擊下圖觀看阮民安太太Eva的Instagram靚相:

+5
+5
+5


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。