【十二傳說】蕭正楠不怕拍攝遇上靈異事件:應該冇鬼咁大膽

撰文:葉詩
出版:更新:

無綫電視劇集《十二傳說》正在熱播,懸疑題材深得觀眾喜愛使收視成績不裕,劇組於周三(7日)在游泳池舉行最後一次宣傳活動以回饋觀眾,作為男主角的蕭正楠說:「劇中有咁多好睇嘅女同事,希望觀眾大飽眼福!(男同事會騷肌?)無啦,我而家瘦到排骨咁,騷排骨咋⋯⋯」

《十二傳說》是日的宣傳活動在游泳池舉行,一眾演員濕身玩遊戲。(陳順禎攝)

蕭正楠對《十二傳說》中跟父親表露心跡的那場戲印象頗深刻,問到如何入戲,他說:「喺公司拍咗十幾年戲,好多場面大概都知點做,但其實每次都希望搵個突破點,今次係寫爸爸,我對爸爸又有特別懷念嘅感情,所以將(杜)燕歌哥幻想成爸爸就可以。」而那一場哭戲被網民大讚演技功力愈來愈好,他說:「做演員最緊要觀察多啲,自己成日喺廠拍戲,我覺得睇戲係一個好好嘅學習方式,越睇得多Database越多,到拍戲嘅時候撠住咗就可以用返出嚟。」問到蕭正楠喜歡什麼類型的電影,他就說:「我好濫㗎,咩都睇。尤其是地方,有時你冇機會去到個地方,但喺電影到睇到啲景,我覺得賺咗,所以我鍾意啲戲係多外景。」

蕭正楠喜歡看電影,並從中學習。(陳順禎攝)
+4

蕭正楠為了拍《十二傳說》更做了不少關於傳說的資料搜集,問到本人是否相信這些傳說,蕭正楠就話:「講到明係傳說,如果係真就變咗真事,所以我當故仔去聽,關於靈異方面我就唔係信到十足,唔排除會有,但UFO我就真係覺得有。」蕭正楠不怕拍攝時遇上靈異事件:「主要都係日頭,又有大班Crew!鏡頭就見到演員得一、兩個,營造到個氣氛好恐怖,但後面有幾十個Crew望住你,再猛都唔會衝出嚟嚇幾十個人,應該冇鬼咁大膽。」