【港姐2019】姚羽嘉用一年搣甩肥腫 原來靠呢種運動:日做兩個鐘

撰文:
最後更新日期:

《2019香港小姐競選》入圍佳麗有15位之多,矚目的除有大熱門黃嘉雯(Carmaney)、蔡嘉欣(Kayan)兩位外,其實178cm高的楊詠彤(Katy)以及19歲的古佩玲(Kelly)亦被睇好!睇勻15位參選佳麗,大家可能會發覺身材最突出的姚羽嘉(Nicole)有種似曾相識的感覺⋯

2018年的姚羽嘉,因為演出需要而增磅,身形亦比較上「豐富」。(資料圖片)

姚羽嘉(Nicole)在上年曾在「香港小姐競選」中亮相。不過嚴格上來說,她只能勉強算是參加,皆因她上年未能成功晉身入圍,更因上年的初次面試而被網友嘲笑她身形「脹爆」。不過,在「港姐泳裝會見傳媒」環節,她以一身Fit爆身形出現,可算令人大跌眼鏡。她接受《香港01》訪問時回答:「我跳舞比較多,我一日會跳好耐,大約兩三個鐘。如果唔攰,跳完都會去跑吓步。」她透露大約在3-5月,每個月都保持著這個生活習慣去鍛鍊身形。

【港姐2018】鷲哥提名都要退選  「章子怡師妹」姚羽嘉係有錢千金

【港姐2019】「章子怡師妹」姚羽嘉再度參選 成功殺入複試

今年修身之後的姚羽嘉非常之Fit。(葉志明攝)

這一年來,覺得自己有甚麼不同?她說:「思想上,舊年參選時都唔知要做咩,冇咩準備,今年心理上就有準備,睇到啲相影得唔好,亦唔會因為啲相唔好睇就會唔開心。」有沒有留意網民對自己的負評?「我睇呢啲就比較少,但係會諗自己今年係咪成熟咗呢?反而見到佢哋咁樣講我,反而會想再做得好啲,希望呢次會做得比上次好。我參選就已經有準備人哋點樣講我,如果我唔夠好,就盡力做好啲。」如果有人負評妳「唔靚」呢?她笑說:「呢個真係唔會(唔開心),因為每個人鍾意嘅都唔同。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。