81歲資深演員夏萍日前離世 契仔林家棟:佢想見嘅人都喺晒度。

撰文:秦志鴻
出版:更新:

今日(12/8)有消息指,入行60年的著名綠葉演員夏萍(原名:盧少萍),不幸於今年8月5日離世,其喪禮將定於8月19日在萬國殯儀館設靈,並於翌日出殯。
據相關報道指,夏萍生前好友梁健平表示心情仍然未平復,透露喪禮事宜可向林家棟查詢。

夏萍一直被傳是獨居老人,早前更曾有報道指她經常出入醫院。(視覺中國)

林家棟:「佢走嘅時候好安詳」

夏萍姐契仔林家棟接受《香港01》記者時證實夏萍的死訊,稱她早前因為嚴重中風而住進護老院:「加上佢都有高血壓,糖尿病咁,醫生都好盡力幫佢,但係啲藥幫到A又幫唔到B,幫到B又幫唔到C,到8月5日終於都捱唔住,不過佢走嘅時候都好安詳。」家棟亦稱他和家人在夏萍生前都經常到護老院探望她,家棟補充謂:「佢走嗰時,佢想見嘅人都喺晒度,阿女呀,啲子子孫孫呀,KK(張國強)呀,佢個仔就咁啱唔喺香港,但佢都盡快趕返嚟。」之後家棟亦稱夏萍將於8月19日設靈。

林家棟非常照顧契媽。(資料圖片)
夏萍生前最後一個作品是無綫劇集《城寨英雄》。(劇照)