【多圖】陳法拉回港快閃拍廣告 爆法國老公會偷用她護膚品

撰文:
最後更新日期:

陳法拉(Fala)早前回港拍攝美妝品牌廣告,今次拍攝以家居護膚為主題,似乎相當適合剛展開新婚生活的法拉。而其實這位相當勤力的新娘子婚後不久,就重投工作的懷抱,所以法拉與丈夫Emmanuel見面的時間變得很少,但法拉表示不大問題:「由初相識到而家,我同佢日日都會Whatsapp或者視像通話。有時兩人相處給予大家空間都係件好事 ,可以去做返自己鐘意嘅事,然後又大家可以有多啲嘢分享。」

不過,連續數天的廣告拍攝令法拉疲於奔命,結果鬧出一個既搞笑又甜蜜的笑話,她笑說:「有晚放工真係好攰,瞓落張床都未打完個信息就瞓着咗,結果老公就係咁用中文傳訊息畀我『你喺唔喺到?』、『點解冇人睬我嘅?』、『你忘記我了!』。」看到老公如此緊張自己難怪法拉感到又搞笑又窩心,仲藉此舒緩了不少工作壓力。

陳法拉早前回港拍美妝品牌廣告。

要時刻以最美姿態示人,法拉表示秘訣就是在家中都要護膚。在結婚過後,她除了着緊自己的皮膚保養外,更會照顧另一半的日常護理,法拉表示:「其實老公都鍾意用護膚品架,所以佢皮膚都幾好,仲有時會偷我嗰啲用添!」但論扮靚方面,始終男人都沒有女人細心,所以法拉都時不時與老公分享自己的護膚心得:「我有時會畀佢試用啲護膚品,佢都會好Enjoy話好正,所以我會同佢分享一下自己嘅心得。」

+14
+13
+12


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。