鄺潔楹身高157cm竟是籃球校隊 趁美留學曾與黑人運動感驕傲

撰文:林迅景
出版:更新:
鄺潔楹(Judy)原來加入過籃球校隊。(梁碧玲攝)

鄺潔楹(Judy)今日(18/8)出席沙田第一城的商場活動,開始時她更即席演唱了由方皓玟主唱的《你是你本身的傳奇》。她接受《香港01》訪問時,就表示這首歌已經練習了成兩個月:「有時間又會自己唱下,同埋沖澡嘅時候唱下。」她更反問記者:「你唔覺得沖涼嘅Encore好正㗎咩?」她回憶,上年除夕夜曾唱了一首容祖兒的《我的驕傲》:「因為我降咗一個半Key,之後就收到非常多的『嘲笑』,所以我決定以後唔再做呢啲鬼祟方法。」自此之後,她就決定找正式的音樂老師上堂學唱歌。

鄺潔楹(Judy)出席商場活動。(梁碧玲攝)

活動上,她亦大爆了自己另一個鮮為人知的秘密。活動後,她笑說:「我曾經係籃球隊㗎!你見到我平時拍節目咁身手敏捷就應該估到啦。其實細細就已經係好動派,嗰時加入籃球隊,一來係因為好多朋友都加入咗,二來嗰時見玩籃球校隊嘅人,每個暑假返嚟都會高10cm,所以我中二同埋中三嗰年都入咗籃球校隊,之但係每一個暑假我都喺嗰個高度。」她表示自中三後就到了美國讀書,但身高仍舊沒再增長。「就算啲鬼仔鬼妹叫我食多啲嘢,都好似冇用。不過就變咗向橫發展,最高峰去到118磅,跟住之後我就去咗玩田徑諗住減肥玩下跑步,點知我就係同黑人跑,哈哈,但係每一段歷史我都驕傲。」

現場沒有示威人仕。(梁碧玲攝)

昨日有網民在連盈討論區發起「【818沙田友入】第一城追擊TVB」活動。不過現場所見,卻未有示威者出現。當問及有關今日「追擊TVB」活動的事宜,大會則以「避免談及政治」為由婉拒回答。

你可能感興趣