關智斌大談首踏紅館開個唱感受 想安排張敬軒擔任特別角色

撰文:冼燕珊
出版:更新:

關智斌(Kenny)早前因拍檔張致恆(Steven)爆出閃婚生子兼一腳踏幾船的醜聞所累,差點取消紅館演唱會,以為紅館夢碎,但劇情峰迴路轉,經理人公司最後決定由Kenny開個人演唱會,獲網民大力支持。Kenny日前作客TVB娛樂新聞台節目《StarTalk》,接受主播許文軒(Edmond)專訪,大談首踏紅館開個人演唱會感受。

原本以為紅館夢碎,豈料劇情峰迴路轉,演唱會如常喺9月14號舉行,不論嘉賓陣容同價格都好抵睇!(演唱會海報)

Kenny說:「冇諗過可以開個人演唱會,好戲劇性,用坐過山車形容都啱,因為自己一直係組合出身,就算係都係諗住以組合形式上紅館舞台,上天嘅安排好奇妙,用另一個方式俾咗個舞台我,我會好好珍惜。依家Rundown全部改曬,之前個主題比較開心,嘉年華Feel,但已經唔Work,我用咗一個星期諗點改動,決定用我呢次經歴呈現。」

Kenny ;順應民意,邀好友張敬軒任嘉賓。(視覺中國)

在Kenny公布開個人演唱會之後,網民強烈建議邀請其好友張敬軒擔任嘉賓,Kenny亦順應民意,除了嘉賓這個身份之外,Kenny表示希望可以邀請到他做調音師,「想叫佢攞啲好靚嘅咪,佢啲器材太靚,有時佢無啦啦會拎出嚟話Beyoncé用呢支。佢喺一班朋友中係最令人安心嗰個,大家會覺得如果有佢喺度會特別安心,所以呢兩場要佢嚟等我淡定啲。」

至於會否希望可再以BOYZ名義再上紅館,Kenny說:「永遠好難說不,我只可以話呢一刻暫時我唔知道,呢件事要一齊去發生,我心底裡亦希望有咁嘅一日。」

+2
Kenny 接受主播許文軒(Edmond)專訪,大談首踏紅館開個人演唱會感受。