陳曉華（Hera）今日（23/8）出席於將軍澳電視城舉行的《2019香港小姐競選》記者會。提到即將卸任，Hera表示：「心情難捨難離，好唔捨得，因為會記得嗰陣時出席一啲港姐活動時嘅情景，同時亦係我要學習成長嘅時候，最近就拍完《網絡騙案》，呢套劇係我拍嘅第一套劇，起初真係好緊張，怕自己做得唔好，之後同啲演員熟識咗之後冇咁驚，發揮得大有進步。」

最近有傳她翻撻舊愛狄以達，Hera直言：「其實我同佢純粹係朋友關係食飯，同場仲有兩個朋友一齊食，之前因為我嗰陣時拍劇好長時間，咁所以想約埋啲朋友聚下，而佢又喺個群組度，咁咪約埋一齊食，其實我同佢都冇諗過會走返咪一齊，以前自己會好恨想身邊有個人愛錫自己，會有人氹下自己，但當我拍完套劇之後，自己嘅心態都未Ready好，想將啲時間學多啲嘢，陪多啲屋企人。」