關心妍與120位小朋友大合唱 將推出兒歌集作慈善義賣

撰文:朱奕錦
出版:更新:

由關心妍(Jade)創立的「妍亮生命慈善基金」與本地兒歌創作歌手嘉芙姐姐,合作的大型跨年活動「兒童感恩文化2019」,將推出兒歌集和兒童唱歌比賽等活動。

除了Jade音樂學院「Shining Life Music」的學生之外,早前網上召募的反應也非常熱烈,新歌《我要感恩》由120位3至12歲的小朋友合唱,Jade的囡囡心心更參與拍攝MV,Jade表示:「上一首兒歌《願你感恩》係父母唱畀子女,今次輪到子女唱畀父母,希望小朋友透過歌曲,學懂感謝身邊嘅人,多啲講Thank you,兒歌EP會作慈善義賣。」

Jade帶著女兒心心一齊拍攝MV。

Jade的家人當日亦有擔任義工,囡囡出鏡,老公就做攝影師,Jade說:「囡囡都有邀請幾位同學仔參加,平日心心比較文靜,但對住鏡頭竟然變得紮紮跳,我都好surprise,見到媽咪變身心妍老師,心心都好主動答問題,做咗領隊帶住小朋友唱歌、揮手,之前都帶過心心賣旗,今次係佢第一次做義工。」現場的父母同小朋友總共近三百人,Jade初時都擔心好難控制場面,結果現場收音錄歌加拍攝MV,三個多小時就完成。

現場近300位家長同小朋友順利完成拍攝。

另外,Jade的巡迴演唱會進行得如火如荼,廣州首站之後,10月26號將舉行深圳站,日前在舉辦記者會時,Jade還與當地歌迷慶祝生日:「好多都係第一次見,大家唱K玩咗一日。」明年Jade會將巡迴演唱會帶到澳洲和美加等地,希望巡迴的尾站回到香港舉行。

Jade明年會在澳洲同美加等地舉行巡迴演唱會。
你可能感興趣