【街坊財爺】鄭則仕手下竟暗藏黃曉明師弟 猛料背景唔輸一線小生

撰文:
最後更新日期:

鄭則仕主演的新劇《街坊財爺》播出收來,輕鬆搞笑的劇情,深受觀眾喜歡。劇情講到貴利王的戴金仔(鄭則仕飾),一直用江湖手法,經營財務放數,用不良途徑追債,其四位得力手下許家傑、黃耀煌、嘉駿和霍健邦的追數方法並不是一味「靠嚇」,相當有創意,令觀眾笑聲不斷!而這四大得力手下,當中一位現實的背景竟然比劇集中更猛料!

TVB藝人眾多,讓觀眾覺得熟口熟面但叫不出名的演員比比皆是,而這位演員畢業於有「明星搖籃」之稱的北京電影學院,他更是全北京學院開校以來,第一位香港表演系的畢業生,是趙薇、黃曉明、劉亦菲和黃聖依等一線內地明星的師弟,而他就是嘉駿。

首位港人畢業生!(受訪者提供)

現年39歲嘉駿入讀北京電影學院前,亦曾參與無綫第十三期藝員訓練班,同學仔有楊怡、林峯、張美妮和徐榮等人。問到為何會返北京電影學院讀書,嘉駿接受《香港01》訪問時就講道:「喺電視台做咗4年,覺得自己係咪可以喺表演上面更進一步,當年見到好多國內的既演員都有很好嘅表演基礎,就發現了北京有兩所學校中戲同北電!所以就開始考慮重拾書本再讀大學,喺03年我以全國第34名次考入北京電影學院,當年北京表演系報名人次有10000人,而我考到非常好嘅成績順利進入北電表演系本科,也是全校開學以來第一個香港人考上表演系。」

嘉駿在劇中飾演Kent 哥身邊既手下叫成大武(武啷啷)!(受訪者提供)

畢業後,嘉駿就離開了TVB一次簽了北京一家大公司的經理人,發展亦不俗:「在北京幾年一直都在拍CCTV 6(中國中央電視台電影頻道),電視電影的男一或男二角色,但在7年前因為媽媽生病了,所以回來香港找工作機會,好多謝TVB喺2014年再次向我招手,當然回到TVB後都是在做大配角,眼見同期的訓練班同學仔還有北電嘅同學仔而家都係大主角,自己當然覺得還不夠努力同幸運。」

嘉駿更稱武啷啷這個花名係Kent 哥第一日開工既時候幫手改的!(受訪者提供)

嘉駿下個月就40歲喇!(電視截圖)

點撃下圖睇更多!

+5
+4
+3

回港後,嘉駿亦有不少辛酸的經歷,他直言:「因為我離開咗TVB 7年,好多認識嘅監製同導演都唔識,所以重返TVB嘅時候都試過做一啲無角色無對白嘅角色,要知道我入行都20年了,也在內地做過CCTV 6嘅主角初時真係唔知自己做咩。不過,後來我都覺得我應該當自己係新人一樣重頭再出發一次,好彩係呢幾年全部都做返有重要角色嘅工作。」

嘉駿亦曾參與美國電影《Amigo》,劇中飾演moon係一個到美國打工既華人!(受訪者提供)

雖然在TVB未能做一線小生,但嘉駿亦依然堅持:「我仲可以拍戲,仲可以用我喺北電學到嘅專業智識做我喜歡嘅工作就不錯了,所以到呢分鐘我都堅持住。我好多謝珍姐比機會我返TVB,同小青姐一直給我機會演戲,從以前的《絕世好爸》第一部開始合作,到剛剛的《法證先鋒IV》,小青姐都給我一個好角色,《法證先鋒IV》我會係第一個單元主角,謝賢四哥係我阿爸,而同米雪姐關係千絲萬縷。」

好期待呀!(受訪者提供)

四哥!(受訪者提供)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。