【街坊財爺】 黎諾懿每晚不設防造人 公開生仔秘方:食蠔會生仔

撰文:
最後更新日期:

黎諾懿今日(6/9)現身將軍澳電視城出席無綫劇集《街坊財爺》宣傳造勢活動。劇集至今已播出第5集,諾懿笑指每晚強迫老婆一齊睇,不過老婆邊睇邊多意見:「因為最近我哋睇咗一套韓劇《德魯納酒店》,佢睇完人哋嘅製作之後,話人哋拍出嚟嘅嘢好靚,我同佢講人哋所有嘢都係錢堆砌出嚟㗎,其實佢都畀咗好多意見我,不過我依舊回應佢:『哦,哦,哦!』」

黎諾懿表明每晚與太太積極造人,希望為愛兒增添一位家庭成員陪伴成長。(葉志明攝)

提到2歲半愛兒小春雞(黎峰睿)日漸成長,懿諾直言每晚不設防造人:「我點都會生多個細佬妹畀佢,因為將來我都有機會唔喺度,希望將來佢都有個親人喺佢身邊,佢唔會咁孤單,咁所以我同太太無論點都好,都會生個小朋友陪住佢,而我自己嘅心願想生個女。」(食蠔補身?)諾懿直言:「千其唔好食蠔,會生仔,之前我有經驗,唔好做𠴱啲嘢呀!其實我哋啲都市人體質偏向酸性,除非你係好健康嘅人先係鹼性,所以我哋捱更抵夜嘅人,身體一定係酸性,所以我係唔會補嘅,嗰陣時生峰峰之前我係補咗,咁所以今次我乜都唔補。」

諾懿透露每朝清晨6時起床陪囝囝玩,笑言少啲魄力都唔掂。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。