【港姐2019】冠軍黃嘉雯分享心路歷程:沒有人知道人生可以行幾遠

撰文:
最後更新日期:

一年一度由無綫電視舉辦的選美節目——香港小姐競選在星期日(8日)落下帷幕,由黃嘉雯(Carmaney)奪得冠軍寶座,亞軍是5號王菲、季軍則是8號的古佩玲。得獎佳麗昨日(9日)現身將軍澳電視城會晤傳媒,為歷時兩個月的經歷畫下句號。冠軍黃嘉雯今日(10日)在個人社交媒體上載千字文,紀錄了參選以來的心路歷程。

2019年港姐冠軍黃嘉雯寫千字文分享參選以來的心路歷程。(陳順禎攝)

Carmaney慶幸自己踏出了參選這一步:「沒有人可以知道人生可以行到有幾遠,但如果怕失敗而選擇原地踏步的話,就會錯失左好多好美好嘅事情。」在這兩個月裡,Carmaney感受最深的就是與一群女生一同經歷:「我哋經歷左好多事情同難關,當中有開心丶有挫折丶有淚水、有汗水;但這些一個又一個經歷令我成長左好多亦令我又好深嘅感受。學識左無論面對咩困難同挑戰都要微笑堅強咁去面對。從來無諗過今年我哋呢一班女仔可以咁團結,我相信無人可以感受到我哋之間嘅共鳴,如果呢兩個幾月無你哋一齊經歷呢個旅程都唔會咁完美同快樂。」

+3
+3
+3

Carmaney又感謝身邊的人令自己更有自信:「我好感恩我有一班好好嘅朋友同屋企人做我強大嘅後盾,無左你哋我未必可以好有自信咁企喺台上表現最好嘅自己。仲有一班非常投入嘅星級評判同觀眾,你哋嘅歡呼聲令我哋每一個人都好享受呢個晚上!! 多謝曬所以支持同幫助過我嘅人,因為有你哋喺我身邊而感到驕傲。收到好多好感動嘅祝福,我會好好記住在心中。」

最後Carmaney說:「人生最好嘅旅程不在於世界每個角落;人生最美好嘅旅程原是人生本身! 多謝您哋令我呢個最長嘅旅程變得更精彩!繼續維持平常感恩嘅心。」她又標籤「俾少少時間我會逐一覆返你哋」、「太多人要感謝不能一一盡錄」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。