【頭條新聞】「太后」吳志森發表中秋講話 片尾「拖金鏈」勁高質

撰文:林迅景
出版:更新:

港台電視31王牌節目《頭條新聞》擅長以嬉笑怒罵方式講述社會議題,由於大受歡迎,所以7月時節目更宣布撤回「最後一集」決定,延遲「唞暑」!昨日(13/9)中秋佳節,《頭條新聞》也在Facebook貼出標題為《【人嚟】太后有嘢要同大家講!》的節目預告片,太后(吳志森飾)亦在短片中提出五大訴求。

《頭條新聞》Facebook又有新片!(Facebook/@頭條新聞 Headliner)

短片最後,飾演偽經絡的羅啟新更亂入進場,問吳志森:「太后,你想點吖?」吳志森:「我想拖囉。」羅啟新:「咁吖,人鏈,我畀條金鏈你拖。」曾志豪問:「點解要拖金鏈吖?」羅啟新答:「唔拖金鏈唔通拖出年咩?」曾志豪問:「咁我有乜可以拖?」羅啟新:「佛鏈啦。」不少網民都留言大讚「高質」、「好睇又好笑」,有人也讚「頭條新聞復工喇!全港市民等住你哋」、「金鏈嗰Part笑死」。