張達倫表明恨生女 請教徐榮生女秘笈:兩個月後聽我好消息

撰文:
最後更新日期:

徐榮與張達倫今日(16/9)現身灣仔出席好友楊明燉湯新店開幕。達倫表示:「其實做飲食業真係好難搞,真係力不到不為財,真心佩服阿楊(楊明),開完一間又一間,諗佢都有排開,其實我之前都有叫過佢去另一個地方搞燉湯,不過佢唔理我,因為我覺得湯水係好重要,好多上班一族根本都冇時間去煲湯,咁其實真係有得搞,等我再撩下佢再合作下先。」
 

張達倫表示有意生多個小朋友。(陳順禎攝)

已有一子的張達倫,表明想追多一個女:「如果可以好似阿榮(徐榮)個囡咁可愛,呢份合約我簽硬。」阿榮笑言:「係囡嚟㗎,我幫你簽呀!如果係就快,我可以提供意見畀你。」達倫續說:「咁過兩個月聽我好消息啦!」

徐榮向張達倫笑言可以提供生女秘訣。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。