馬德鐘走入法院旁聽取經：演律師算係第一次
撰文：吳子生
出版：更新：
馬德鐘（馬神）周五（20/9）出席慈善籌款活動，提到十月即將開戲心情緊張：「今次我喺呢套戲裡面飾演一名律師，覺得幾新鮮，因為以前會喺一啲單元客串嘅角色做過，但你話自己在整套劇中做律師算係第一次，當中都有好多轉折，自己都好期待。」
對於近來經濟放緩，馬神表示：「有工作在身就用心去工作，如冇工作就好好享受一下」。（陳志嵐攝）
馬神透露為了這個角色，專程去到法院聽審取經：「我哋聽審過唔同類型嘅案件，觀摩咗唔同表演嘅律師，因為每個律師都有佢唔同嘅性格，實際去到感受唔同嘅環境，所以係戲入面要融合返唔同嘅性格，其每次我接到新嘅角色，自己都會覺得好難，因為每次都希望灌注一啲新嘅元素畀觀眾，咁希望到時觀眾會鍾意。」
馬神不介意兒子加入娛樂圈。（陳志嵐攝）