【使徒行者2】大戰影帝古天樂張家輝 馬德鐘:係演藝界一個夢想

撰文:賴家杰
出版:更新:

視帝馬德鐘(Joe)今天(20日)出席電影《使徒行者碟影行動》的發佈會,Joe直言有份拍攝也是一個很難得的經驗:「今次做警務處處長,咁我以前都做過警察,所以知呢個職位係神級位置,同埋我演咗警察咁多年,由散仔演到警務處處長,其實都係演藝界一個夢想,同埋可以同幾大影帝合作,又好多好耐冇合作過嘅演員合作,今次係好特別嘅經驗。」

今天(20日)馬德鐘(Joe)出席電影《使徒行者碟影行動》的發佈會。(梁碧玲攝)

Joe透露因為簽了邵氏兄弟而能夠有份參與這個大製作,但原來在電影版第一集曾經也有找Joe去拍但為何見不到他?「第一版嘅時候有搵我傾過,但檔期排唔到,所以今次有得拍真係好開心。」

另外,這次視帝大戰影帝(古天樂,張家輝)這陣容十分有追看性,不過Joe笑言是一種交流:「好多都係前輩,拍攝方面會感覺好多唔同火花,因為幾大影帝走埋一齊,大家演嘅時候尤其係《使徒行者》呢部電影好多背後故事係裡面,演繹方面都會內心好複雜同突破。」

+2