【金宵大廈】與尹詩沛破格玩SheShe戀激吻 阮兒:好似鍚緊自己

撰文:
最後更新日期:

TVB新劇《金宵大廈》播出以來叫好又叫座,更引起新一輪追劇潮。在第五單元「異夢」中,除了Alex(李施嬅飾演)和阿蕭(陳山聰飾演)的前世故事精彩外,飾演舞女的莎莎(阮兒飾)和芳芳(尹詩沛飾)的同性戀悲慘故事,亦相當破格,讓觀眾驚喜不斷!

劇集講到芳芳與莎莎全盤托出製造死亡假象的來龍去脈,原本打算雙宿雙棲的她們更在雨中熱吻,但卻被狗強(李家聲飾)尋獲,逼問二人贓款之下落,最後二人分別被強姦後虐殺和自殺,SheShe戀以悲劇收場。阮兒接受《香港01》訪問時就講到這個角色相當富有挑戰性,至於最令觀眾難忘的SheShe親熱戲,她就稱:「之前完全未試過同女仔拍親熱戲,但好彩對手尹詩沛本身同我係好姊妹,所以唔會覺得尷尬同抗拒。但其實鍚女仔嘅感覺真係好唔同,似鍚返自己咁。(事前有冇同男友衛志豪備案?)冇呀,但佢睇完之後有話覺得我唔夠愛尹詩沛,嫌我哋唔夠激,但其實本身喺60年代係含蓄啲。其實同尹詩沛之前都拍過床戲,我哋關係好搞笑。」

原來莎莎係假死,而且同芳芳係一對同性戀人!(電視截圖)

二人更在雨中激吻!(電視截圖)

點撃下圖重溫超爆劇情!

+14
+13
+12

阮兒亦講道與尹詩沛拍攝SheShe親熱戲時亦發生一件恐怖事件:「我本身好細膽又好怕黑,所以喺片場都唔夠膽自己一個人周圍走,成日都疑神疑鬼。咁拍淋雨戲嗰晚,我就見到喺山上面有個黑影,勁驚以為自己撞鬼,點知原來係揸水車嘅工作人員嚟,自己嚇自己。雖然拍嘅時候好凍,但最慘唔係我同尹詩沛,其實係𡃁妹(李綺雯飾),佢要全部瞓喺地,飲晒啲污槽水!」

𡃁妹原來先係最慘!(電視截圖)

本身係好姊妹!(IG/@yuenyeechloe)

+10
+9
+8

而阮兒亦特別提到自己與前輩李家聲的對手戲,她稱:「呢部劇好似係聲哥最後一部劇,佢真係好專業,因為嗰場強姦戲,初初我都覺得好驚,但可能佢係武指出身,有教點扯我啲頭髮,效果會逼真啲又唔會整痛我,真係好專業,好多謝佢。」阮兒又指希望劇集能夠有續集,因為劇集的迴響比意料中大很多,而且每一個單元故事的穿插都做得好好。

聲哥喺劇中又真係好恐怖!(電視截圖)

目睹芳芳被殺後傷心欲絕而自殺身亡!(電視截圖)

希望有續集!!!!(IG/@yuenyeechloe)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。