傳無綫取消台慶亮燈 阿Bob林盛斌：我哋呢啲小薯仔畀唔到意見
撰文：吳子生
出版：更新：
林盛斌（Bob）昨日（28/9）出席在中環活動。談到有傳無綫取消11月8日節目巡禮與亮燈儀式，原因是擔心近幾個月社會運動所帶的影響，怕舉行當日會被狙擊，Bob就話：「我都係從媒體得知呢個消息，其實之前都有參與亮燈儀式主持，亦都知道會有好多廣告客戶嚟睇，至於會唔會影響廣告收益，相信TVB佢哋會有佢哋嘅衡量，唔知會唔會喺其他大日子例如台慶做返呢個亮燈客戶巡禮儀式，相信營業部嘅同事亦會好好同啲廣告客戶處理廣告嘅安排。」
阿Bob表示無綫取消亮燈與節目巡禮，相信不會影響廣告收益。（陳志嵐攝）
問取消節目巡禮是否與社會運動有關？Bob直言：「我又冇好特別留意，到底兩件事有冇直接嘅關係，我諗廣告客戶與無綫大家有大家嘅考量，佢哋可能會覺得呢個時候好唔好做呢個亮燈儀式都係公司嘅安排，我哋呢啲作為小薯仔角色，就唔會有啲可以參與畀意見。」
阿Bob今日為活動擔任司儀。（陳志嵐攝）