傳與劉愷威秘撻大半年把臂歐遊 湯洛雯：太天馬行空
撰文：吳子生
出版：更新：
今日（30/9）有傳湯洛雯（靚湯）出席好姊妹林夏微飯聚認識劉愷威，兩人互生情愫秘撻大半年，據悉男方經常在內地工作，為爭取時間見女方，特別借用林夏微中港7人車作掩護，接載女友到內地約會，更有指兩人早前把臂同遊英國。
靚湯對於傳與劉愷威暗撻表示無奈。（陳順禎攝）
今日（30/9）靚湯在將軍澳電視城出席無綫新劇《失憶24小時》開鏡記者會接受傳媒訪問時就此傳聞澄清：「全部都唔係事實，我宜家仲係單身，唔知點解會咁傳，其實飯聚大家係見過面嘅，個飯聚係成大班人，而唔係話林夏微特別為我安排去介紹，我哋關係只係普通朋友。」（覺得劉愷威人品如何？）靚湯直言：「覺得佢個人幾好。」（有冇同佢外遊英國？）靚湯無奈表示：「呢個先搞笑，英國同法國我都係同成班中學朋友一齊去，其實我都有Post相出嚟，成件事都唔係事實，都唔知點解咁傳，太天馬行空。」
靚湯表示現在專注工作，暫時未有打算拍拖。（陳順禎攝）