【魅影星期日】鄧佩儀出埠住酒店尾房遇怪事 「入房個頭勁痛」
撰文：吳子生
出版：更新：
鄧佩儀（Gloria）今日（2/10）出席在將軍澳電視城舉行的明珠台《魅影星期日》造勢活動。自認細膽的Gloria透露最怕睇恐怖片，連每年扮鬼扮馬節日《萬聖節》主題公園都不敢去，理由是不想讓自己疑神疑鬼，不過Gloria就透露年前出埠工作時租住酒店的房間出現怪事，搞到要轉房處理：「其實每次外出做嘢，有啲傳統禁忌我都會做，入到房我都會講聲我嚟做嘢住幾日，試過有次係我住尾房，入到房之後，我個頭突然間好痛，成個人都好唔舒服，覺得好奇怪，於是我要求酒店職員幫我換房，之後個頭真係唔痛冇事。」
下月就是無綫台慶大日子，Gloria表示忘記準備晚裝，稍後便會主動聯絡時裝設計師商量晚裝款式。（陳順禎攝）