【多圖】王卓淇IG粉絲急升3萬 原來係由呢位名師操刀

撰文:林迅景
出版:更新:

2014年香港小姐亞軍王卓淇(Erin),自《十二傳說》一幕兩分鐘的含淚獨白戲中演技大爆發後,演技受到大眾的肯定,隨之而來,還有Instagram上追蹤人數的上升。Erin接受《香港01》訪問也表示,《十二傳說》之後她的IG追蹤人數從11萬人上升至14萬,接近多了3萬人:「好開心吖,多咗人識我!」

【十二傳說】王卓淇含淚演技大獲好評 沉寂五年終有機會上位

王卓淇(Erin)在IG中問網民:「你做緊咩呀?今日去左邊呀?有冇掛住我呀?」好Girlfriend-able吖。(IG@erin_kay)

同時間,她的IG照片在這一月內也稍稍起了變化,不少網友都表示:「王卓淇個IG多咗好多福利」對此,她就解釋:「哈哈哈哈,係咩?我本身就鍾意影靚相,因為單身狗無聊,而且最近代理了服裝品牌和膠原蛋白產品,Post多啲相都對工作有幫助吖。」更謂會堅持下去,與粉絲分享更多靚相:「我都鍾意同Fans交流㗎,經常都會覆佢哋留言。哈哈哈,大家鍾意嘅話我肯定會Post多啲!」

不少得,當然是8月份這張水着照。(IG@erin_kay)

她也表示,近來的靚相全是由媽媽代勞拍攝:「佢影相好叻㗎,係我專屬嘅攝影師。」記者笑說相片是「媽媽招女婿廣告」時,她就回答說:「好吖,歡迎歡迎!不過非誠勿擾,哈哈哈。」喜歡甚麼類型的男性?「要係有風度的紳士,呢樣好緊要、仲要識得體諒女生、有內涵,書卷氣定運動型都得。嗜好方面都冇所謂,相同愛好就一齊分享。唔同就可以教對方。」

王卓淇表示最近代言了美容產品,所以要落力啲Post相。(IG@erin_kay)

IG放甜會不會受到某些網民騷擾?王卓淇回答:「我成日以為會收到三級嘅相,但係從來都冇,就只係有一個人不停私信咸濕嘢文字畀我,不過我都冇理佢,咪由佢寫囉,哈哈。如果留言太過份我就會刪咗佢,因為要尊重女性。」

多圖,慎「甜」勿入:

+12