【金宵大廈】混血男友每晚趕住追劇 張曦雯:有英文字幕睇!

撰文:
最後更新日期:

張曦雯(Kelly)今日(11/10)到將軍澳電視廣播城出席無綫新劇《木棘証人》拜神儀式。劇中飾演律師的Kelly笑指攞正牌狂鬧羅仲謙:「其實當我知道要做呢個角色嘅時候,我都有參考Do姐(鄭裕玲)之前拍嘅《男親女愛》裏面嘅角色,雖然之前見過羅仲謙,但就未合作過,但今次能夠同個靚仔合作覺得自己好幸運。」

Kelly與羅仲謙在新劇《木棘証人》有感情線。(劉智源攝)

提到Kelly在劇集《金宵大廈》中,因打機與林子善結情緣,問現實中有否遇過?她即表示:「其實之前我都有直播打遊戲機,認識咗好多呢個圈嘅人,大家熟咗,之後成班人都有出嚟聚會。」

至於混血男友有否欣賞他的演出?她答謂:「佢知道我要拍《金宵大廈》嘅時候,佢已經不斷問我幾時有睇,佢就算唔識聽中文,每晚都會趕返去睇直播,因為會有英文字幕,咁所以佢係知道成個劇情講乜。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。