【香港親善小姐】李綺虹抗拒返港拍劇 嫌時間長：年紀大容易攰！
撰文：吳子生
出版：更新：
94年歷屆港姐冠軍譚小環與季軍李綺虹（Theresa）今日（19/10）現身九龍灣拍攝ViuTV全新節目《香港親善小姐》，兩人提到相隔二十多年再次碰頭，感覺萬般滋味在心頭。Theresa直言感覺好陌生：「我哋兩個係日本拍嘢個7日，經常講返參選港姐時嘅開心同唔開心嘅嘢。」小環就話：「我哋嗰陣時參選期間，真係好忙好辛苦，我哋連講嘢嘅時間都好少。」
小環直言很久沒見Theresa，初見面時有種陌生的感覺。（劉智源攝）
Theresa在2004年與加藉丈夫結婚後，並誕下兒子，產後定居加拿大溫哥華，之後漸漸淡出娛樂圈。問到會否回港拍劇？Theresa直言抗拒：「之前都有個心態都想返嚟拍下劇玩下，覺得會開心啲，但聽到小環佢講話拍劇，拍咗36小時都冇瞓過，我即刻縮沙，今日已經係第9日，其實喺幾日前我已經好謝，有可能自己年紀大，所以比較容易攰。」小環在旁說：「佢朝早嘅時候好精神，但一到太陽落咗山，佢就開始冇電咁，要去叉一叉電咁。」
Theresa笑言兒子現年15歲，他有自己的社交圈子，做父母不能夠管束太多。（劉智源攝）