丁子朗以事業為重 擇偶條件圈外人優先 ：喜歡思想單純嘅女仔！
撰文：吳子生
出版：更新：
丁子朗昨晚（26/10）現身將軍澳電視城出席《善心滿載仁愛堂》節目錄影。提到近來熱播台慶劇《解決師》中學生造型演出網民激讚相當維肖維妙，朗朗笑言：「幸好自己仲年青少少，自己本身22歲做一個角色17歲都唔係好難，亦有網民大讚同劇演員三十歲演學生哥都一樣自如，反而我要向佢哋學習。」
丁子朗為《善心滿載仁愛堂》擔任司儀。（葉志明攝）
對於感情方面，朗朗表示仍未有著落：「其實我都好想搵番一個女朋友，但又未遇到一個自己鍾意嘅女仔，其實自己比較想搵一個圈外嘅女仔做女朋友，因為覺得圈外嘅女仔思想冇咁複雜，比較單純啲，不過宜家都會順其自然，都會以工作行先為目標。」
丁子朗（左）希將來女友是圈外人，認為圈外女仔想法比較單純容易相處。（葉志明攝）
現年22歲的丁子朗笑言飾演學生哥角色，對他來說無難度。（葉志明攝）