【解決師】彭皓鋒內地拍劇4年後返TVB 談酬勞分別︰差幾遠㗎

撰文:李婉文
出版:更新:

TVB台慶劇《解決師》講述身為解決師的O Sir(王浩信飾)幫助黑幫解決難題的故事,而劇情愈來愈緊湊。現時講到洪和的新龍頭喬奕鋒(彭皓鋒飾)跟進興新龍頭太子(李天翔飾)合作,而太子的父親蔣滔成立新進興跟太子抗衡,不過奕鋒嫌蔣滔礙事,設計殺害了他。喬奕鋒的角色充滿霸氣和兇狠,有TVB「御用惡人」之稱的彭皓鋒演得相當出色。

喬奕鋒在劇中是奸角。(電視截圖)

劇情講到太子跟喬奕鋒似仍是合作,但又互有不滿,究竟之後的發展會是怎樣?《香港01》記者向彭皓鋒查詢,被問到喬奕鋒之後會否再狠下毒手?他回答︰「壞人就緊係會㗎啦,都會嘅。(再有角色會死?)會㗎,會㗎。(之後同太子會繼續合作?)會嘅,如果唔係點搞事啊!」他就預告之後劇情也會峰迴路轉,「都幾估唔到㗎你哋應該!」不過他就先賣個關子不肯透露。在此推測一下,下一個有危險的會不會是Jovy(唐詩詠飾)?事關Jovy身為蔣滔的女兒,身份上也可能有危險?

這一幕太子去找喬奕鋒算帳,反被他痛毆,劇情精彩。(電視截圖)

點擊下圖睇重溫吓呢幕︰

+9

彭皓鋒在1996年參加無綫電視藝員訓練班後成為TVB藝人,演過的電視劇過百套,他在2012年曾轉投香港電視。其後,他開始在內地發展,拍網劇﹑網絡電影。2016年,彭皓鋒憑網路電影《老師上錯身》入圍《美國荷李活國際電影節》,並成功奪得「最佳男配角」和在2017年,憑《破冰》奪得《加拿大金楓葉國際電影節》網路電影組別「最佳男主角」,揚名國際。隔了4年,到上年他才返TVB拍《解決師》,彭皓鋒解釋自己主要跟監製劉家豪和梅小青拍劇,所以就跟對方回TVB。

Jovy身為蔣滔的女兒,身份上也可能有危險?(劇照)

彭皓鋒直言是因為劉家豪和梅小青,他才有機會到內地拍劇,有更多的演出機會。講到在內地拍劇的幾年,彭皓鋒表示︰「嗰時(我)係唔識普通話㗎,咁但係我拍《衛子夫》就全廣東話對白,我用返廣東話,因為我戲裏面個partner係同我一齊負責做搞笑嘅部分嘅,嗰個內地女演員完全聽唔明廣東話,咁我試吓(用)普通話。」他就不斷向其他人請教學習,「劇組啲人就以為我好勤力,成日揸住個劇本周圍問人嘢咁,咁佢哋就話『我覺得你好勤力,所以就介紹你去第二個劇組』。」所以認識到更多人,有更多的演戲機會。

拍《解決師》也是因為劉家豪監製叫他接這個角色,因為對方曾幫過他,所以「佢哋叫到一定返!」(受訪者提供)

聽說內地拍劇的機會多,而且相對上較輕鬆,酬勞又較豐厚。彭皓鋒指機會是一年比一年多,至於輕鬆與否,他覺得也是視乎情況,「內地有啲劇組都拍成十幾廿個鐘㗎,不過大家唔知咁解咋嘛!唔係係唔辛苦㗎,都差唔多。」酬勞方面,他笑言︰「差幾遠㗎。(多過喺香港?)一定多過!你諗下我咁大頭家我都要維持㗎。」彭皓鋒近年獲頒的獎項都是憑內地作品內的演出得到的,不過他就指沒有太介意在哪裏拍劇帶給他更多,「其實對於我嚟講有戲做就OK㗎啦,我又冇乜所謂,有獎係一個好大嘅鼓勵,但係就算冇獎我都係咁做,所以我唔覺得(係)邊度嘅問題。」

點擊下圖睇吓更多相︰

+1