Ming仔公關災難跌走10萬粉絲 急出「補鑊」行徑再觸礁?

撰文:
最後更新日期:

被喻為初代YouTuber始祖的Ming仔近日在他身上發生嚴重公關災難,Facebook由高峯期37萬粉絲跌到27萬,損失了十萬粉絲。而他的YouTube頻道由48萬跌到41萬,可說跌幅相當大。

短短兩日粉絲人數跌咗十萬,下降數字還在持續中。

事緣是他在兩天前在Youtube開live公開討論由6月發生至今的修例風波,標題為:「和你傾政治 -- 我的角度」。而內容主要圍繞呼籲大家不要捐款到星火,這樣會助長更多暴力,並說現在警察和示威者雙方武力開始對等。

前兩日Ming仔開Live同大家傾政治。(網上截圖)

此言論說出後,大部份網民表示相當失望和憤怒,網上網民更發起要unsubscribe他,所以令到他粉絲人數急趺。其後一眾知名YouTuber亦在網上責罵他當然他事後幾小時也立即「補鑊」,立即在Facebook發文表示: 「直播嘅原意是要清楚交代我嘅睇法,偏偏講到一嚿嚿。 更正番: 1. 了解過「星火」的背景,我表示支持並將決定捐俾呢個基金。 2. 「警察份職業本身無問題,但佢哋做多咗。」呢句被部份人曲解咗。我話「做多咗」嘅意思,係指佢哋做多咗好多唔應該做嘅事:包括濫捕、實彈、電單車撞人、制服後暴打、Yellow object等等,並唔係講緊開OT 我係有責任講得清楚啲嘅,多謝網民提醒」

Ming仔當晚即刻「補鑊」。(網上截圖)

直到今天(18日)他的公關災難還沒結束,他在Facebook又再發布了一張照片,照片是他捐款到幫助被捕示威者的機構,照片顯示他捐了十萬零一元。這又再觸動到網民的情緒,表示他沒有家教,「你阿媽有冇教你幾時先係俾單數!」因為給單數通常也是用來給帛金。不過這張照片在網上已經刪除了,可是已經有網民截圖更散播在網上各個討論群組。有網民質疑這張照片是改圖來,並不是Ming仔本人,不知道這次Ming仔會否親自再解釋,又如何去拆解這困局?《香港01》特意致電給Ming仔回應粉絲人數下跌和疑似捐款事情,他說:「暫時唔回應住啦,唔好意思,ByeBye!」

有網民質疑右手邊是改圖,並唔係Ming仔本人。(網上截圖)

大約下午一時多,Ming仔終於「蒲頭」回應捐款的事情「今朝捐左張一蚊尾數嘅支票俾星火,實屬無心之失。之前我應承咗大家會捐出show錢五陪以上,但避免直接揭露合約上show價,我加多左一蚊上去。心情太亂,冇思考清楚,入左個唔老禮嘅數目。完全理解大家嘅憤怒,我為我嘅疏忽和連番處理失當再一次誠心同大家道歉,錢已再入一次,今次現金。不求原諒,只希望遲來的綿力可以幫到有需要嘅人。」不過網民的留言表示「唔收貨」

Ming仔終於「浦頭」啦。(網上截圖)

點擊睇Ming仔 facebook like走勢圖

+4
+4
+4


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。