【開心速遞】陳煒神秘角色客串加入 拒絕劇透:我個角色好爆

撰文:
最後更新日期:

今天(18日)陳煒出席《愛·回家之開心速遞》的宣傳活動,大家對於她的出現感到相當驚訝,原來她現身是以星級客串嘉賓身份,她將會在2020年1月1日和2日這兩天出現這劇集。當然大家會感到好奇為何會突然拍攝《開心速遞》,她解釋:「其實我之前同呂慧儀有一張合照,放咗上網之後大家都以為我入咗《開心速遞》,監製之後打俾我問我客唔客串,能夠客串真係好開心。」

煒哥笑言終於能與這個大家庭合作。(梁碧玲攝)

煒哥憶起當時在街外拍攝《開心速遞》很尷尬,因為有很多市民好奇為何她會與《開心速遞》的演員在一起,但她又要保守秘密,其實忍得很辛苦:「我當時真係唔知點算,監製叫我保守秘密,我當時加入係比較神秘啲。同埋我個角色好爆,雖然唔可以講咁多,但首先呢個角色我未試過接到一個角色起伏咁大,有咁多唔同造型同發揮,譬如好艷麗、好激情、好女強人亦有好委屈。雖然得兩集戲份,但演到咁多造型出嚟真係好抵睇。」

煒哥表示兩集過不到戲癮,希望之後能再多一點機會再拍《開心速遞》。(梁碧玲攝)

熱播中的劇集《多功能老婆》由楊千嬅、陳煒、朱晨麗等主演,而這三人也因此成為好朋友,早前朱晨麗大爆煒哥是一名很懂撒嬌的人,煒哥在接受訪問時候說:「其實我唔係每一個人都嗲,我都係嗲佢。我其實唔識嗲人,但對住男朋友就唔同,咁朱朱都係我Honey,我哋都會互相嗲。」

睇更多《愛·回家之開心速遞》的宣傳活動的精彩照片!

+11
+11
+11


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。