【黃金有罪】跟洪永城演一對 陳瀅︰我哋身體語言方面會比較誇張

撰文:
最後更新日期:

無綫電視劇《黃金有罪》裡面,陳瀅(Jeannie)飾演的水敏婷和洪永城(Tony)飾演的莊帶喜是一對,二人在今晚播出的第13集更終於成為情侶,後來愈愛愈甜蜜。TVB在網上公開的拍攝花絮,看到有一幕,Jeannie撒嬌地捉實Tony的手放在自己心口上,令網民大感驚人!

這一幕,Tony的手有觸碰到Jeannie的心口。(Youtube影片截圖)

TVB在Youtube上載一條《黃金有罪》題為「陳瀅主動到嚇親洪永城」的拍攝中的花絮片,當中Jeannie在街上撒嬌講︰「我整親啊!」Tony問︰「整親邊度啊?」然後Jeannie一手捉住Tony的手放在自己胸前,嘟嘴講︰「我整親呢度啊,你唔睬人搞到人哋個心唔舒服啊。」超嗲!Tony即刻講︰「我點會唔睬你啊?!」一Cut機,Tony就大呼︰「我被迫㗎!」仲要連講三、四次急忙澄清。

點擊下圖逐格看︰

+13
+12
+11

即撳呢度睇原片!!!

這一幕非常大膽,Jeannie在出席劇集宣傳活動時接受《香港01》訪問作出解畫,她解釋這一幕之後會出街,「之後個感情會再進展落去,所以之後啲更加熱情嘅動作會陸續有嚟,你哋見到嗰幕都會播嘅應該,應該喺嚟緊呢個禮拜。」她表示劇中的水敏婷和莊帶喜,是熱戀中,而且比較大膽和調皮,「所以我哋兩個對於身體語言嗰方面都係會比較誇張嘅,咁嗰幕係講我話『我個心痛啊』想佢錫返我咁樣,我覺得男女朋友之間,當你真係拍緊拖,啲激情戲已經做完啦,因為應該係播完先至會到呢段,咁就會有呢幕,男女拍拖就係會咁樣,我哋想像中嘅。」(呢個動作係自己安排?)「呢個劇本就唔會要求嘅,我哋有好多動作都係自己再加落去,令到呢兩個角色係會畫龍點睛。」

Jeannie表示自己收到好多Comment讚她跟Tony在劇中的角色突出,她說︰「因為我哋兩個同其他好實淨嘅嗰條Line係有少少分別,因為我哋係突然間變咗好調皮咁,所以好開心個回應咁好。」(陳志嵐攝)

始終動作接觸到的部位較敏感,Jeannie強調不是不小心,是設計的動作,她指︰「因為都睇住㗎嘛。(都做得好自然。)係啊係啊,所有啲Body Movement都係OK嘅,同埋有好多時候都未必會預先講㗎,未必話『我陣間會咁樣』,因為咁樣有時會冇咗個Surprise,因為第一個自然反應係最真實㗎嘛,有時好多位,我又會做,佢又會做,都係冇啦啦加入去嘅,咁我哋兩個都唔覺得呢個係一個問題,因為如果預先知道你個Partner係可能會敏感啲,或者唔舒服,就當然會講啦,但因為我哋兩個都好清楚我哋個性格都係好Chill咁樣,所以就OK。(都好相信對方?)係,我都唔知可以點樣唔信,要相信個角色,你唔可以質疑個角色。」

Jeannie和Tony在劇中有不少親密的動作。(劇照)

點擊下圖重溫更多Tony和Jeannie的感情線︰

+14
+13
+12

片段最尾,Tony有講「我被迫㗎」,Jeannie就笑言︰「因為始終男仔又會敏感啲嘅,如果佢咁大膽去做呢件事,咁所以佢自己講返句。」相信劇情之後也會更加緊湊!

點擊下圖睇吓更多Jeannie嘅靚相︰

+8
+7
+6


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。