【白色強人】李佳芯新一年工作大計多多 直言雪藏已是舊聞

撰文:張嘉敏
出版:更新:

無綫《萬千星輝頒獎典禮2019》最佳劇集《白色強人》今晚舉行慶功宴,身為女主角之一的李佳芯 (Ali)亦有出席。Ali曾表示該劇得獎,比起她自己獲獎更開心,她說:「係呀,真係開心過自己攞獎,好開心可以心想事成,新一年開始就心願達成。」問到她知否今晚是誰負責請食飯,她說:「我無問邊個請,頭先嚟之前都有諗係咪要㩒錢。好似話馬明 (馬國明) 會請,我聽聞馬明好少會請食飯,咁視帝話請,我無理由同佢爭。其實我講笑咋,馬明之前都有請過我哋食飯㗎。」

李佳芯透露今年會有好多project想完成。(陳順禎攝)

點擊下圖逐格睇Ali嘅靚相:

+23

之前一直有傳Ali遭到無綫雪藏,提到新一年的工作大計有什麼安排,是否已雪藏完?Ali說:「舊聞嚟㗎喇,我一直keep住都有同大家見,今年都有好多工作大計,自己有啲project好想做好耐,不過唔講得係咩住,又想讀書,希望今年可以全部實行晒。至於幾時開新劇就要等公司安排。自己無拍劇呢段日子有得休息下,最緊要養好身體,農曆新年就要開始搞啲project。」講到身體健康,Ali亦有留意武漢肺炎的疫情,她說:「無得擔心,我相信大家吸取以前SARS嘅教訓,都會有防疫意識,做好防疫措施。(你唔戴口罩?)個個都戴,我就唔使戴。」不過李佳芯講笑啫,當然會做足預防措施。

李佳芯冇拍劇休息期間主要是養好身體。(陳順禎攝)

點擊下圖逐格睇《白色強人》原班人馬陣容:

+6