黃建東見何家勁即化身小粉絲 狂讚對方:望住自己好慚愧

撰文:
最後更新日期:

藝人黃建東(Derek)早前與母親上《流行經典50年》彈唱跳《活色生香》廣受好評,最近更獲導演張之珏邀請擔任其群星慈善音樂會的演出嘉賓,再度自彈自唱演繹這首歌。張導演更代替黃媽媽與 Derek跳舞,Derek大呼好玩:「我哋當下隨着音樂即興跳舞,冇諗過咁合拍同埋觀眾反應咁熱烈,直頭好似將50年嘅母子檔變成父子檔,令我好想叫張導演做爸爸。其實我好多謝張導演俾咁多機會我,之前將我帶返已闊別八年的舞台參演話劇《但願人長久》,而家又帶我去佢入行50年的大型群星音樂會,佢更加喺台上推介我,希望我獲得更多機會,佢真係好有心栽培後輩。」Derek很感激張之珏這個伯樂,希望日後再有機會跟他這個「老豆」合作學習。

吸引不少藝人朋友撐場!

製作人張之珏日前舉行慈善音樂會,慶祝70歲大壽兼入行50周年。

音樂會當晚 Derek演出後,在後台化身小粉絲四處跟前輩們集郵,尤其看到偶像何家勁非常興奮:「細個好喜歡看包青天,覺得展昭有型身手又敏捷,冇諗過親眼見到勁哥真人完全冇變過,又Fit又靚仔。我望住自己嘅肚腩真係好慚愧。」Derek坦言看到何家勁後重現起Keep fit的一團火,希望過了農曆新年後可以專心操Fit快些回復港男身形。

唔知東東有冇問偶像點保養!



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。