【武漢肺炎】森美父母被困郵輪鑽石公主號 :好擔心佢哋安危

撰文:
最後更新日期:

森美今晚(14/2)現身電視城出席無綫特備節目《全民開講齊抗疫》錄影時,透露父母目前身在日本橫濱靠岸的郵輪「鑽石公主號」上被隔離,情況令人憂慮:「其實屋企人係知道佢坐郵輪去旅行,但我就冇記住佢坐邊一架郵輪,到後尾先由哥哥話畀我知先知道,我宜家唯一擔心嘅係佢哋嘅安危,佢哋都隔離咗7、8日左右,又擔心佢哋悶啦,喺間房唔出得去啦,因為佢哋宜家被隔離喺自己間房度,間房係用緊中央冷氣,驚嗰度有病毒散播變得高危,我希望佢哋可以盡早離開郵輪。我哋主要就係幫佢哋解悶,同佢哋交待疫情最新資訊,始終佢哋係老人家,上網揾料都係我哋後生好啲,早午晚三餐都有人俾佢哋食呀,食物又好嘅,每一餐都有汽水,咁亦有口罩同搓手液俾佢哋,咁情況都ok嘅,但都好想佢哋快啲返嚟啦。」

森美表示郵輪公司職員每日都會提供三餐,將膳食送到房間給父母用膳。(葉志明攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。