【埋嚟睇．埋嚟玩】王頌茵留長頭髮 誓死擺脫女版姜濤之名
撰文：吳子生
出版：更新：
被封為女版姜濤的王頌茵（Kathy)今日（26/2）現身ViuTV九展錄影廠出席全新直播遊戲節目《埋嚟睇．埋嚟玩》造勢活動。Kathy表示能夠與伍姑娘（伍詠薇）合作做主持，既開心又緊張：「呢個節目話晒都算係本台第一個大型直播騷，希望因為呢個遊戲有四千蚊獎金，會吸引到多啲唔同類型嘅觀眾去收看，對收視都有一定信心嘅。」
Kathy坦言估不到剪短頭髮後，竟然被人封為女版姜濤，甚為尷尬。（陳順禎攝）
經常被人稱為女版姜濤的Kathy，大嘆剪頭髮後，竟然與姜濤撞樣而感到尷尬：「其實宜家我留緊長髮，希望留返長少少同佢冇咁似啦，我驚佢哋粉絲打我呀！」Kathy 又指試過與姜濤合作拍攝廣告：「我哋都有同感覺得大家都唔係好似樣，到臨收工嘅時侯，佢竟然開口叫我做佢家姐，個吓我呆一呆，跟住同佢講我唔係大你好多喎，之後就冇咗件事。」
Kathy表示現在正努力留長頭髮，希望可以擺脫女版姜濤之名。（陳順禎攝）