【法證先鋒IV】楊潮凱演技超班獲讚 爆未能接《使徒行者3》

撰文:
最後更新日期:

熱播劇集《法證先鋒IV》所調查的「大山村水泥藏童骨案」日前終於迎來圓滿結局,蘭姨(黎燕珊飾)在得知兒子麟仔的真正死因,原本打算將浩仔(楊潮凱飾)送走,後在高安(黃浩然飾)和徐意(湯洛雯飾)幫助及勸解下決定接納浩仔,並將其接回家一同生活。當中,楊潮凱拋開以往「型男」的形象,首次挑戰演中度智障人士,演技受到觀眾一致好評。

楊潮凱不敢媲美「阿旺」:超越唔到!

楊潮凱和黎燕珊在劇中演母子,二人演出感人又催淚,備受讚賞。不少網民更大讚楊潮凱的演技甚至與當年郭晉安飾演的阿旺有得揮,楊潮凱接受《香港01》訪問時,就謙虛指:「阿旺好成功,超越唔到!不過每個演員演呢類角色都會有共同之處同分別。」他又指事前沒有刻意參考其他演員的角色:「好驚睇啲前輩演嘅角色,怕會潛移默化地模仿,反而睇咗好多台灣嘅記錄片,劇組又安排我去咗鄰社輔導會探訪一位智商得6歲的朋友,佢叫澄仔。觀察到佢同陌生人同媽咪相處的分別,真係好有幫助。」

每段母子情都給予人不同的感覺!(IG/@hoi1218)

網民大讚演技超班!(IG/@hoi1218)

點撃下圖重溫超好戲表情!

+4
+4
+4

《法證先鋒IV》成TVB暫時最後一部作品

對於有網民希望TVB能夠給楊潮凱更多的機會,可惜他表示:「《法證先鋒IV》係我喺TVB手頭上暫時最後一部作品。(《使徒行者3》呢?)因為檔期問題,所以拍唔到。(會唔會都想拍多啲劇?)希望同TVB關係會似珊姐咁都有好結局。不過,其實珍姐同樂小姐都對我好好,我同TVB都有合作,我啱啱拍完《3日2夜》同有做阿Bob個節目。」

型爸!(IG/@hoi1218)

點撃下圖睇更多!

+11
+11
+11

楊潮凱認收入大減:都儲落少少嘅

不少藝人受疫情影響收入大減,楊潮凱就坦言自己都有受影響:「唔緊要嘅,做演員就緊要有耐性,相信好快就冇事。而且當我決定要向外闖嘅時候,都儲落少少嘅,未有太大嘅經濟壓力,頂到嘅。(想拍返TVB劇?)都想再合作。」楊潮凱又指希望他的「媽咪」能夠在頒獎禮得獎,至於他自己就笑言:「都有信心嘅,但距離頒獎典禮仲一段時間,仲有好多變數。」

希望兩位都得獎!(IG/@hoi1218)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。