【BB大晒】監製決心打造BB系列:好似《溏心風暴》同《法證先鋒》

撰文:賴家杰
出版:更新:

劇集《BB來了》播出後非常受歡迎,現在BB系列第二部正在拍攝當中,名字叫《BB大哂》,監製廖晉碩解釋為何會改名字,他說:「其實BB系列就好似《溏心風暴》同《法證先鋒》咁,佢哋有好多系列但有唔同嘅故事。上次主要係講初出生BB,今次係大啲小朋友,兩歲左右,我哋轉咗講要講返學問題。當然我哋都會有其他男女故事係劇裡面。」

監製說這次一樣會有很多貼地的事在劇中發生。(梁碧玲攝)

監製說明這一次比起上一次是大了一點製作,而最困難的一定是要找小朋友演員,他說:「上一次搵BB比較易搵,因為BB有一樣好處,就係抱住唔多覺係邊個。但今次搵係2-3歲小朋友,我哋搵唔到替身。同埋劇中每一個家長都有一個小朋友,向難度挑戰。」

監製透露馬國明和岑麗香劇中家庭背景不同,故事圍繞他們如何處理家庭關係。(梁碧玲攝)

現在疫情關係嚴重,監製直言這是他拍攝考慮的問題,「其實小朋友嘅戲我哋係未拍住,會盡量擺到最後拍。同埋我哋拍小朋友都好,會搵一啲我哋控制到嘅地方,譬如說場地一定係我哋包咗。廠景就一定會消毒,現場都有酒精搓手液,每個演員會消毒先接觸小朋友。最緊要係你都見到我哋每個幕後工作人員係必須戴口罩先開工,請放心。

點擊睇現場精彩靚相!

+9