【SHOW肌】為節目減4公斤 莊端兒指屁股瘦感氣餒:會繼續扁落去

撰文:賴家杰
出版:更新:

莊端兒今天(15日)與陳奐仁、陳安立、肥腸(徐浩昌)及蔡寶欣一同出席ViuTV節目《Show肌》記者會,她這次與陳奐仁擔任節目的主持,其餘3位則會擔任「Agent Muscle」,節目內容是透過比賽和實驗形式,了解人體肌肉奧秘,帶給觀眾一些健身冷智識。另外為了拍攝這節目,她說特意用了三個月做健身:「我係咁減肥、斷食、做運動等。唔衰得嘛,個個都咁Fit。其實我拍節目早期係55.5公斤,但我特登為呢個節目再減到依家51KG。」

莊端兒睇落真係瘦咗好多。(梁碧玲攝)

對女生來說,能成功減肥當然是一件開心的事情,但對莊端兒來說則不然,因為有機會會導致她上圍「縮水」,她直言不擔心:「其實又未瘦嗰度,每個人瘦嘅地方都唔一樣,而我最麻煩嘅部位係屁股,因為個屁股本身就好扁平,如果冇肉但一直操落去,就會繼續扁落去。咁對女仔嚟講,而家(標準)應該係屁股最靚(顯示女性最美一面),但我就瘦屁股先,胸反而最遲瘦。」

莊端兒希望屁股能夠再長一點肉。(梁碧玲攝)

屁股呈現女性最美一面?莊端兒再向記者解釋,就完全明白她為何如此緊張:「我幫呢個節目拍,反而拍得最多係屁股,有一集係拎我屁股嚟講。佢哋都估唔到我咁瘦,而我屁股係咁差。我唯有檢討一下啦。平日就算我性感少少我都知道係工作需要,因為都冇乜人點討論我屁股,我自己就算影相都冇點影過屁股,呢個係我最冇自信。」

+5
你可能感興趣