李佳芯冇份拍《白色強人2》 劇組冇交代:我睇新聞先知!

撰文:
最後更新日期:

TVB劇集《白色強人》去年播出後,觀眾評價不錯,有傳TVB會在年尾的時候決定開拍續集,連劇中主演之一的李佳芯(Ali)早前接受《香港01》訪問時候也表示曾聽過這個消息,不過最近卻又傳出Ali無緣參與續集,令人覺得Ali仍未獲TVB「解凍」。

Ali今天會在《流行經典50年》唱《幸運是我》。(梁碧玲攝)

今天(18日),Ali出席《流行經典50年》回答最近的傳聞,她說:「我都係睇新聞先知,因為而家好多變數,其實我真係唔知道,要等公司通知。(去求證下?)冇呀,我呢排都好懶,我冇求證真定假,睇完新聞就算。咁最近我都寫緊書,閉關好耐,基本唔開工我都唔會出嚟。」

Ali坦言每次唱歌,大家也很留意她表現。(梁碧玲攝)

《白色強人》最後一集留下伏線,就是Ali飾演的程洛雯到底是否死亡,若果第二輯沒有她演出,基本上已斷定是死亡,她說:「可能真係死咗,因為當時候我有問過編審,其實有冇死。編審有提過如果為結局好啲,應該會死。所以如果到第二輯都冇程洛雯,我都覺得OK嘅。」

繼《BB來了》劇集被踢走後,這次傳聞《白色強人》又再被踢走,令網民覺得她還在被TVB「雪藏」,Ali笑言:「咁我今日喺到(TVB)算唔算俾人雪,唔知呀,我唔識分啦,我唔揣測咁多,我而家只做好眼前。(咁幾時先會再拍劇?)暫時今年都係安排出書之後都仲有一個工作,做好手頭先,開劇等公司安排。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。