【新冠肺炎】方力申暫停開放游泳學校兼冇收入:要賣啲股票先得

撰文:
最後更新日期:

方力申(小方)今日(25日)出席《娛樂大家10點半》的錄影活動,小方由2月開始已經沒有出席公開活動:「之前疫情冇咁犀利,我都有出去練下水,但依家當然多留喺屋企。我成個2月都冇工作,連泳會工作都停埋,所以係有影響。希望疫情盡快好轉,大家都有工開。」

小方希望疫情盡快好轉。(葉志明攝)

小方坦承現在收入大受影響,可以說是負數,「咁我得支出,冇收入,係會差好遠。存款唔夠,真係要賣一啲嘢,所以一定有影響,係全世界嘅事,所以冇得怨。我都唔係好多儲蓄習慣,好似啱啱講要賣一啲投資,譬如話股票,我已經賣咗少少,頂住啲咁。」

游泳學校小方表示暫時不用裁員,但要放無薪假期。(葉志明攝)

早前小方宣佈參加明年游泳世錦賽,而這個世錦賽不是精英參加的世錦賽,這個是世錦的先進泳賽,讓一些上了年紀的人士參加,門檻也不是太高。小方直言從之前環島泳開始,不太想這麼快放棄游泳,因為放下就不會再繼續,所以選擇挑戰世錦賽做目標,表示這只是目標,不是追夢,他說:「我對游水冇一個好大嘅夢想,只不過係有一個目標想畀生活上有動力。而我當時參加奧運最佳成績,未必係我運動生涯最佳嘅成績,所以我依家會唔會有好啲技術可以拉近返我當時運動嘅極限呢?可能我會係先進泳賽拎頭三名,呢個係我最終目標。不過依家成年人又要返工,今日都唔知聽日事,暫時練住先啦。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。