沈殷怡陳欣妍拍《美女郊遊遊》 疫情禁足外地變香港「玩命」行山

撰文:
最後更新日期:

《辣伙頭》中的沈殷怡(Shirley Sham)和陳欣妍(Shirley Chan),因為合作節目而大受歡迎而被連登巴打封為「Double S」,其後ViuTV更為她們度身訂造節目《美女郊遊遊》,並於4月13日播出。

4月13日就有得睇沈殷怡同陳欣妍!

據知節目由《花姐Error遊》的製作班底包括導演(格仔導演Mike)、編審、撰稿等成員拍攝以及製作,所以內容可稱得上是瘋狂又刺激。由沈殷怡、陳欣妍的IG上所見,連續2-3星期每日10小時以上的拍攝以及行山,考驗她們的體力之餘仲考驗埋意志力。有消息人士透露,節目組正在開足Turbo剪片:「不過個節目都算100%拍晒。因為天雨關係,有部分拍攝改咗期。」

靚相同沈殷怡、陳欣妍訪問,點擊睇:
兩大女神沈殷怡陳欣妍再戰真人騷 郊遊遠足竟變「死亡行軍」

【多圖】陳欣妍進軍寶萊塢做女主角 獻熒幕初吻:仲要學跳印度舞

沈殷怡(Shirley)、陳欣妍(Shirley)主持《美女郊遊遊》。

聽聞節目的原先計劃並不是在香港行山?他說:「原先係一個外國旅遊節目,節目性質係完全唔同㗎,不過疫情影響先臨時改為本地拍攝,轉做拍攝本地開心行山節目。」疫情爆發後,因為世界各地實施鎖國,亦變相打亂了ViuTV製作其他外國旅遊節目的計劃,所以《美女郊遊遊》才需要趕住出街。除了沈殷怡、陳欣妍要連行十幾日山外,製作組亦需要趕工,消息人士說:「行完山再返公司係基本。」

最近陳欣妍(Shirley)成為了網民新寵。

話說回來,近年沈殷怡的工作一個接一個,由《詭探前傳》到《辣伙頭》,再到《今日疫情》《金剛旅神團》和《美女郊遊遊》等節目,幾乎是「冇停手」!難怪有網民說她是ViuTV的「Job王」、「一姐」。不過,及陳欣妍自參加《辣伙頭》亦都人氣急升,今次主持《美女郊遊遊》,既是「Double S」再度合體,也是一個同場較勁的機會。

陳欣妍話她開心ViuTV搵佢《辣伙頭》同《美女郊遊遊》,仲話希望想有機會拍多啲劇集同綜藝。(IG@shirleyelephant)

陳欣妍接受《香港01》訪問時,就就與沈殷怡藉由拍攝《美女郊遊遊》,培養了深厚感情。「我哋一齊拍完節目互相認識咗好多,節目組仲話我哋係『生死之交』!因為佢已經見過我最醜樣一面。」又十分感激沈殷怡的照顧:「年紀好似係我大過佢,但係好似係佢照顧我多啲,因為我太多嘢驚啦。」

點擊睇陳欣妍靚相:

+16
+16
+16

她提到,節目中其中一個挑戰要游繩落經過一個瀑布,嚴重畏高的她更要硬着頭皮完成。「佢玩先跟住到我,嗰時已經驚到喊晒口!我落到去咩都唔理就第一時間搵佢,之後我哋仲攬住一齊喊。」她形容每一次拍攝,對她來說都是一次小患難。

個個節目都有沈殷怡!最近Shirley還在《玩轉英語》中教英文。

沈殷怡接受《香港01》訪問說,也形容兩人感情是「患難姐妹」。她說:「每一集我哋都遇到好多事要一齊克服,真心以前無同一個女仔一個月內經歷咁多事,每次拍完我哋都會攬住大家講:『活著真好!』。呢個節目真係擊中晒我哋各自嘅弱點,每次我哋都為對方加油,真係好深刻。」

她續說:「我就體能差啲,而佢就細膽、畏高同怕水,所以要挑戰膽量嘅活動我就照顧返佢,啱啱好可以互補!」

點擊睇沈殷怡靚相:

+20
+20
+20


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。