【降魔的2.0】鄧佩儀拍足15部重頭劇 榮升TVB「最受力棒小花」

撰文:黃欣華
出版:更新:

由馬國明、黃智雯、胡鴻鈞、劉佩玥、鄧佩儀和譚凱琪等主演的TVB新劇《降魔的2.0》首周收視只有29.9點,竟不敵上一套的《機場特警》,的確令人大失所望。而有份參演兩部劇的鄧佩儀人氣急升,近年劇接劇的她確是「TVB最受力棒小花」!

鄧佩儀在劇中飾演降魔人!(劇照)

現年27歲的鄧佩儀在2013年參加國際中華小姐,勇奪冠軍寶座後即加入TVB成為藝人。由於她形象入屋又討好,加上入行7年鮮有緋聞,又肯搏肯捱,深得公司歡心。她近年劇接劇,拍足15套重頭劇,幾乎未停過。雖然鄧佩儀首次演出的《點金勝手》,被網民力批演技生硬,但自從在重頭劇《鐵探》中飾演臥底探員「鄺泳莎(Kay)」一角後,演技突飛猛進,受盡好評。

未播映的劇集有《踩過界II 》和《陀槍師姐2020》,幾乎都是大製作!(IG/@gloriapuiyeetang)

點撃下圖重溫鄧佩儀20歲時參選情況!

+4

對於被指是TVB「最受力棒小花」,鄧佩儀接受《香港01》訪問時就稱:「我都唔會去理會係咪『最受力棒小花』,因為我淨係知我好鍾意演戲同好鍾意表演,所以畀咩Job我,我都會做到加零一畀你,從來都唔會理會出面的聲音或者身邊嘅人講咩,淨係會好好把握。所以,係唔係小花都好……都會盡我最大嘅努力去做。當然我都希望有無數嘅機會,做到唔同嘅角色畀大家。」

入行以來,零緋聞相當難得!(IG/@gloriapuiyeetang)

點撃下圖睇更多極罕性感照大集合!

+4

鄧佩儀近年的角色都比較硬朗,但鄧佩儀就稱自己是未合格的打女:「我覺得打戲係難嘅,但我自己係未合格,因為我平時冇打開功夫又冇跳開舞,如果啲筋再鬆啲比較好,我唯一優勢係夠力,但睇返自己嘅啲打戲真係可以再好啲,打戲真係要好有研究。」至於在《降魔的2.0》中與 胡鴻鈞有一段人鬼情,她指:「因為我角色係人,所以同豪仔會有好多矛盾,因為唔同身份會有好多問題出嚟,但又因為呢個原因先會令我哋之間有愛情發生。」

人氣急升!(IG/@gloriapuiyeetang)
+12
發表評論...