飛虎之雷霆極戰|拍《衝上雲霄》成好兄弟 吳卓羲竟爆馬國明偽善

撰文:董欣琪
出版:更新:

新劇《飛虎之雷霆極戰》集合強勁演員陣容,當中馬國明、吳卓羲(Ron)同黃宗澤(Bosco)三位型男繼17年前的《衝上雲霄》後再度合作拍劇最令人期待!當年三人與陳鍵鋒在劇中組成「S4」,成功俘虜不少少女!早前三人在《東張西望》中大談當年的拍攝趣事,回顧17年的兄弟情!

馬國明、吳卓羲(Ron)、黃宗澤(Bosco)同陳鍵鋒在劇集《衝上雲霄》中組成「S4」。(YouTube影片截圖)
三子相隔17年再合作拍劇。(劇照)
+7

劇集《衝上雲霄》系列陪着一代人成長,馬明、阿Ron同Bosco相隔17年再度合作,亦成長了不少,馬明直言當年還是很青澀:「講真嗰陣時大家邊有演技呀,乜鬼都唔識,又唔識就燈,又唔識就鏡頭。」劇集當年可謂是大製作,更遠赴澳洲、日本、意大利等進行實景拍攝,雖然住宿條件一般,不但要兩個人一間房,還要睡閣樓,但就令他們感情更深厚:「人生路不熟,我哋就喺房度傾偈,咩都傾,但內容保密。」

馬明直言當年乜都唔識。(YouTube影片截圖)
+9

馬明在劇中與苟芸慧飾演夫妻,他亦笑言好開心:「你日日有個靚女望下都開心啦,我哋好多床上戲㗎。」不過阿Ron同Bosco隨即踢爆:「好多床上傾偈戲呀!」兩人更即場大讚馬明好勤力:「佢啲劇本係寫到密密麻麻,佢啲心聲、備注呀。」馬明就謙虛表示個個都勤力,但阿Ron即刻講道:「謙虛過頭叫偽善。」

馬明在劇中與苟芸慧飾演夫妻。(劇照)
阿Ron大讚馬明勤力,但就笑言對方太謙虛!(YouTube影片截圖)
+15

雖然阿Ron當面「窒」馬明,但其實三人17年的兄弟情相當深厚,更槍頭一致對外,講苗僑偉(三哥)壞話!除了大爆三哥要三嫂(戚美珍)叫才「萬歲」之外,還指三哥搶盡風頭:「其實只有一個飛虎,嗰個就係苗僑偉。好多時係佢哋打生打死,跟住三哥嚟攞彩。喺直昇機裏面掃射,唔使落嚟。」不過其實三子都只是講笑,三哥在拍攝期間非常照顧他們,合作過程好開心!

三子槍頭一致對外,講苗僑偉(三哥)壞話!(劇照)
+16