陳小春應采兒再度榮升父母　細仔HOHO正面照首曝光

應采兒5月29日於微博貼出孕照，宣佈已成一家四口，細仔已經出咗世啦﹗陳小春去醫院探望太太及囝囝時透露，細仔乳名叫「HOHO」即係好好嘅意思。6月1日係內地兒童節，小春亦趁機會正式將HOHO正面樣曝光。

小春喺微博貼出細仔HOHO嘅相，見到HOHO著住白色BB衫，腳上仲扣住醫院腳帶，五官皺埋一齊打緊喊露有唔少頭髮，相當可愛。小春之前喺醫院門外接受訪問，指自己有入產房但無剪臍帶，Jasper已經見過細佬，但好似有少少呷醋變得靜左好多。