【飛虎之雷霆極戰】張曦雯向樂易玲力爭疫情開工權益:我自己都驚

撰文:
最後更新日期:

劇集《飛虎之雷霆極戰》播到中段,不乏捧場客。而TVB也特意拍攝《飛虎同學會》這個節目,為劇集宣傳。由錢嘉樂和陳敏之主持的《飛虎同學會》主要請到一班有份主演的演員上去分享拍攝趣事。最新一集有苗僑偉(三哥)、黄宗澤(Bosco)、吳卓羲和張曦雯(Kelly)做嘉賓,大談新冠肺炎疫情期間,在生活和工作方面的影響。而兩位主持竟然大爆Kelly曾「敢言女神」上身,直接向無綫兼邵氏高層樂易玲爭取權益?

Kelly被爆原來曾找樂小姐爭取權益。(《飛虎同學會》電視截圖)

+12
+11
+10

較早前,Kelly在拍《踩過界II》,一開始有疫情時,也是照舊開工。三哥問她︰「《踩過界II》開,係咪冒住生命危險?」再加上主持敏之追問,Kelly一時被問得有口難言。之後嘉樂再追問︰「其實公司都有安排?同埋你哋都有爭取喎聽講?幕後消息。」敏之接着說︰「聽講有人緊張到去問樂小姐點解要開工?同埋當時個情況係點?」Kelly回答說︰「嗰時開始好驚嘅,因為都唔知發生咩事,(疫情)好似好勁咁啊嘛,咁我哋演員又唔可以戴住口罩去拍嘢,咁就唯有靠身邊嘅工作人員個個都戴住口罩。」再加上當時有個臨時演員在錄影廠門外嘔吐,Kelly他們就正正在錄影廠裏拍攝,而臨時演員就在外面的便利店門口嘔,幸好只是虛驚一場。

Kelly樣靚身材正,是不少網民心目中的女神。(張曦雯IG)

嘉樂忍不住問︰「你最尾係點樣力敵樂小姐?」他續說︰「樂小姐又漏咗少少口風畀我聽,佢(Kelly)係一個好好嘅演員,佢好緊張成個Crew,又擔心啲演員安全性,就打電話畀樂小姐,話『有啲嘢想同你傾』。」他指樂小姐答應了,因為要知道難處才可解決,在等Kelly的時候,她發現原來不只有Kelly一人來找她,而是整班人去找她。Kelly開口解釋︰「因為我哋自己都驚嘅,嗰時開工,真係唔知發生咩事。(三哥︰而家你哋咪幸福囉,以前我哋冇得傾㗎)(吳卓羲︰諗都冇諗過!)公司都好understanding(理解),最後我哋開工係一日一組囉,TVB開劇一日一組喎!(三哥︰好少可啊!)」最後原來爭取成功!嘉樂大讚還好有他們「年青唔怕死」的演員,令公司有更合適的制度。

點擊下圖重溫《飛虎之雷霆極戰》︰

+17
+16
+15

而且,他們指有很多大場面也有刪減。Kelly也自爆她跟王浩信有一場親吻戲也因受疫情影響而變成借位拍攝。最後,嘉樂認為公司也有安排,有收集他們的意見,但同時各有各難處,笑言︰「好在你哋呢三個唔識死嘅人!如果靠三哥,三哥喺遠處嗰度陪緊仔女。」

點擊下圖睇更多Kelly嘅靚相︰

+31
+30
+29

同場加映︰【多圖】邵岱兒做泳衣模特兒浴室自拍 背景再糟亦無損相片觀感

【多圖】邵岱兒做泳衣模特兒浴室自拍 背景再糟亦無損相片觀感

+18
+17
+16


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。