【公子會】「是非精」何泳芍初戀遇控制狂男友 森美:妳係二奶命

撰文:林迅景
出版:更新:

何泳芍(Honey)參選「香港小姐」就加入了無綫電視(TVB),其後因成為《3日2夜》以及《學是學非》等皇牌節目的主持,因出位形象而廣受觀眾認識。日前她就受邀到商台《公子會》節目受訪大談潛水事以及感情,不過節目一開始Honey就語出驚人,連森美、火火以及劉翁這三位經驗老到的主持都招架不住,嚇到「擘大個口得個窿」!究竟她說了什麼呢?

何泳芍(Honey)參選時因為身材以及膚色而成為傳媒焦點。(IG@honeyho_mermaid)
何泳芍(Honey)是《學是學非》擔任其中一位「是非精」主持。(資料圖片)

節目一開始,森美就開口讚何泳芍(Honey)有一身夏威夷膚色,問她:「妳個膚色係咪天生?」Honey就搶答:「我有啲部位膚色唔係咁(黑)㗎!」然後錄音室的空氣就靜寂了半秒,就傳出了三位主持的爆笑。劉翁:「唔好咁啦!你搞到三個叔叔呆咗半秒吖!大家喺度諗,白色個位喺邊呢?」森美更笑說:「我哋呢啲見慣大場面都擘大口。」三位主持大讚Honey夠玩得,更表示很欣賞她這種帶點性感的幽默感。火火也補充說:「做你男朋友真係幸福。」

何泳芍(Honey)曾主持《3日2夜》。(《3日2夜》截圖)

講完笑後,就終於入正題。談到感情事,何泳芍(Honey)就大爆自己初戀男友是一個控制狂。她說:「嗰時我仲做緊Sales,佢屬於口才好好,氹女仔好叻嗰種,仲好識控制你嘅心理,所以我唔會再同雙子座男仔拍拖!」森美就十分好奇的問,怎樣控制你?她就答:「會做好多嘢同埋講啲嘢去打擊你嘅自信,令你覺得自己唔夠好,從而令你唔會離開佢。」聽完Honey講初戀,主持們就問:「咁第二段呢?」她就說:「第二個又係雙子座!我哋一路都保持男女朋友關係,但係佢一路都冇確認。考完A-Level嘅時候佢就突然同我講佢唔鍾意女仔,後來就有第二個。」聽畢森美就笑她說:「妳真係二奶命嚟㗎喎,我哋Uncle真係擔心你,妳都係容易俾人呃。」火火和劉翁又反過來揶揄森美:「唔係『有啲開心』先啱咩?」

【學是學非】何泳芍推介三大初級香港自由潛水區:歡迎搵我一齊去

Honey何泳芍做宣傳片「美人魚」 拍到驚:又嘔又失溫!

雖然何泳芍(Honey)的感情事好繽紛,但大部份節目內容都是圍繞着自由潛水。(IG@honeyho_mermaid)

點擊睇「是非精」何泳芍(Honey)潛水靚相:

+50