麥凱程遭無綫除名 IG發文：繼續為呢個世界降魔伏妖
撰文：鄺鈺瑩
出版：更新：
被捕消息傳出後，無綫曾以麥凱程因急事離港為由回覆傳媒查詢。（麥凱程IG）
26歲嘅無綫小生麥凱程，早前有傳去年底因涉參加社會運動被捕而遭無綫即時叫停所有工作，就連戲份甚多嘅《降魔的2.0》宣傳活動都全部缺席，當時監製方駿釗就話只係知道麥凱程唔喺香港，所以無搵佢做宣傳，而馬國明就話同對方唔熟，所以唔係好知情。隨後，有網民發現喺無綫官方網頁上，再搵唔到麥凱程嘅蹤影。
麥凱程於IG上載劇照，並發文表示會繼續為呢個世界降魔伏妖。（ig圖片)
「被消失」嘅麥凱程有傳早已經返回老家法國，對於傳媒查詢一直未有回覆嘅佢，日前終於喺IG透露近況，上載自己喺《降魔的2.0》中嘅角色劇照,並發文表示:「非常感恩觀眾嘅支持，非常感恩幕後嘅支持，無論點都好，我都會繼續為呢個世界降魔伏妖。#再見啦勞斯 #降魔的2.0#Grateful #Actor #Acting #Ross #Ghostbuster #勞斯#TV #Show #Drama #Hongkong#降魔的3.0?#有說話同我講就係呢度講」
+8