強尼爆有線時期辛酸史 曾被同事寸「騎呢怪」：好唔開心！
撰文：吳子生
出版：更新：
強尼（許博文）昨日（19/6）出席自己有份主持的全新ViuTV直播節目《今晚趁熱食》宣傳活動。強尼由有線過檔ViuTV電視台後，即獲委派主持多個頂級節目，當中要數有《Good Night Show 全民造星II》，決賽當晚他在沒有Cue卡在手情況下，一口氣讀出三分半鐘的開場白，全無怯場表現令人驚歎，人氣火速爆紅。
強尼認為免費電視台比收費電視台，接觸觀眾層面比較寬闊。（陳順禎攝）
強尼覺得免費電視台無可否認比收費電視台好，因為接觸觀眾層面會比較寬闊，「以前我喺收費電視台度做，會睇你嘅人主要都係球迷，又或者鍾意睇裝修節目嘅太太，佢哋先會識我，相比而家免費電視台度做，接觸嘅觀眾層面真係好唔同。」
強尼感恩ViuTV給予工作機會。（陳順禎攝）
強尼提及過去十多年在有線的日子，曾被同事臭罵「騎呢怪」心感難受：「好記得09年嘅時候，公司好大膽搵咗我哋三個人做一個世界盃Talk show，當時有自己公司體育台同事嚟拍嘢，聽到佢哋講：『呢三個騎呢怪喺度搞咩嘢呀』，當時聽到呢啲說話真係好唔開心。」
強尼由有線電視台轉戰ViuTV，即獲委派多個頂級節目做主持。（陳順禎攝）