伍詠薇大爆圈中前輩態度差 擺超神似表情:嗰個人好鍾意學五虎

撰文:
最後更新日期:

由伍詠薇同林盛斌(Bob)主持的節目《Tiger’s Talk》每集都會邀請劇集《飛虎之雷霆極戰》的演員擔任嘉賓,大談過往趣事。日前他們就請來苗僑偉(三哥)、黃宗澤(Bosco)同吳卓羲(Ron)上節目暢談男人的秘密,不過沒想到最驚人的竟然是伍姑娘踢爆圈中一位扮大牌的前輩!

《飛虎之雷霆極戰》即將踏入結局篇。(劇照)

黃宗澤同吳卓羲在劇中與苗僑偉有不少對手戲,三人私底下其實好玩得。(微博@黃宗澤)

+13
+13
+13

Bosco同Ron在劇中都與三哥有不少對手戲,兩人大讚三哥是一位好前輩,不但經常「萬歲」,還處處為人着想,不過伍姑娘隨即爆料曾遇過態度很差的前輩:「係嗰時喺我娘家(亞視)過嚟呢邊嘅,咁我唔講邊個喇。唔會教㗎,直情可能係嚟到慢慢講囉,講錯咗再嚟過,你濕晒你嘅事,或者佢會唔到、遲到、失蹤或者八個鐘頭後先返工都係咁樣。」Bob及三位嘉賓都很好奇追問是誰,伍姑娘即講道:「你哋全部都識㗎。(講嚟聽吓?)我講你聽我死梗喇!(即係尚在嘅?)梗係尚在啦!」

Ron見到伍姑娘呢個Chok樣,即時估到係邊個!(YouTube影片截圖)

之後伍姑娘就擺出超Chok的Pose,再對三哥講道:「你五虎有邊幾個?其中一個,但梗係唔係嗰個啦,嗰個人好鍾意學佢(五虎其中一位)嘅,唔講邊個喇!」Ron即時恍然大悟,伍姑娘再補充:「以前好衰㗎,不過而家好好,以前睬你都傻呀,如果見到你哋啲後輩,話知你死,望都唔會望你一眼,我心諗『吓』?」Bob再問道:「係咪兩個字㗎?」伍姑娘聞言反白眼:「死啦今次,人哋冚家嚟打我咁點呀?」

伍姑娘指呢位前輩好鍾意學五虎其中一位。(YouTube影片截圖)

答案呼之欲出:

+35
+35
+35

雖然伍姑娘沒有指名道姓,但不少網民都認為答案呼之欲出,紛紛猜測她所指的前輩就是江華。現年57歲的江華已經淡出娛樂圈,曾是一線小生的他參演《我和春天有個約會》、《西遊記》、《九五之尊》、《尋秦記》等劇集,一向都被指無論外形與動作都跟劉德華相似,更有人形容江華比劉德華更劉華。2015年江華曾在微博上載了與華仔的合照,兩人的樣貌、神情都有八成相似!

有人形容江華比劉德華更劉華。(微博@江華1119)

點擊下圖睇下似唔似:

+20
+20
+20


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。